كلمات اغنية صوره صوره عبدالحليم حافظ

كلمات اغنية عبدالحليم حافظ - صورة صورة
Sora Sorah - Abd El Halim Hafez

موقع عاجبنى بيقدم سلسلة كلمات اغانى العندليب الاسمر عبدالحليم حافظ وبنقدم فى 

 المقاله دى كلمات اغنية صورة صورة غنى عبد الحليم هذه الأغنية في حفل عيد الثورة في يوليو 1966، وغنى معها أغنيتين عاطفيتين هما على حسب وداد، وأنا كل ما أقول التوبة.
كانت هذه الأغنية هي آخر أغنية وطنية يغنيها عبد الحليم في أعياد الثورة، حيث أن هزيمة الجيوش العربية في حرب 1967 قد منع إقامة حفلات مماثلة.
ربما كان من الممكن أن تعيش هذه الأغنية لفترة طويلة لو لم يذكر فيها اسم الرئيس جمال عبد الناصر، حيث فقدت أهميتها بعد وفاته عام 1970، وأدى ذلك إلى حجب هذه الأغنية ، كما أدى ذكر اسم الملك فاروق في أغنية الفن التي غناها محمد عبد الوهاب قبل حوالي عقدين من الزمن إلى حجب تلك الأغنية ومعلومات عنها 

كلمات : صلاح جاهين
الحان : كمال الطويل

غناء : عبد الحليم حافظ

انتاج : عام 1966

كلمات اغنية صوره صوره لعبدالحليم

صورة صورة صورة كلنا كدا عايزين صورة

صورة صورة صورة تحت الراية المنصورة

صورة للشعب الفرحان تحت الراية المنصورة

يا زمان صورنا صورنا يا زمان

هنقرب من بعض كمان هنقرب من بعض كمان واللي هيبعد من الميدان

واللي هيبعد من الميدان

عمره ما هيبان فى الصورة

خضرة وماية وشمس عفية وقبة سما زرقا مصفية

ونسايم سلم وحرية ومعالم فن ومدنية

ومداين صاحية الفجرية علي أشرف ندهة واذان

دي بلدنا

دي بلدنا مصر العربية صورة .....صورة

صورة منورها الامام

علي مدد الشوف مدنه ومدنه دي لصلاتنا ودي لجهادنا

مدخنة قايدة قلوب حسّادنا تحتها صلب كأنه عنادنا

وقدّامه من اغلى اولادنا عامل ومهندس عرقان

شّبان والشبان فى بلدنا فى الصورة فى اهم مكان

صوّر يا زمان صوّر يا زمان

كلنا هنا فى الصورة زمايل نوفي اللى ميثاقنا عليه قايل

من اصــغر طفله بجدايل علي زرع ودرسا على زرعة ودرسات تتمايل تتمايل

للفلاح ابو خير وجــمايل للفلاح ابو خير وجــمايل للواعظ الحافظ القرأن

للجندي الاسد اللى شايل علي كتفه درع الاوطان

وبعيد عن العين لكين فى الصورة اوضــح ناس

ناس تحت حر الجبال والقلب كله حماس

بتفجر الرمل انهار من ذهب أســود

وناس بتكــسيه بخضره وكل لون له ناس

واساتذه وعلما ومعامل ودكاتره من الشعب العامـل

ورجال سكر علي مكاتبها تخدم بالروح لما تعامـل

فى الصوره مفهاش الخامل والهامل واجبه نعسـان

مفهاش الا الثوري الكامل المصري العربي الانسان

صور يا زمان صور يا زمان

صورة صورة صورة كلنا كدا عايزين صورة

صورة صورة صورة تحت الراية المنصورة

يا زمان صورنا صورنا يا زمان

هنقرب من بعض كمان هنقرب من بعض كمان واللي هيبعد من الميدان

واللي هيبعد من الميدان

عمره ما هيبان فى الصورة

حلوين قوي كده وحياه ربي يا حبايبي بقولها من قلبي

ثورتنا صورتنا ومااحلاها ثورتنا صورتنا ومااحلاها فى اطار التنظيم الشـعبي

ناصر واحنا كلنا حواليه ناصر ناصر ناصر وعيونا الدنيا عليه ناصر

ناصر ناصر والنصر بيسعي اليه ناصر ناصر ناصر والشعب دليله وإلهامه

قربوا من فكره واحلامه ياللي عليكم كل كلامه

فى الصوره طالقكم قدامه قيادات شعبيه قلتم ايه

قلنا يا زعمنا قلوبنا اهي ايامنا اهي ليالينا اهي

فى يوم الدم... وهبنا الدم.. هنبخل بالليالي ليه

والصوره اكتملت بالرواد مع ناصر وايدهم فى ايديه

الشعب ووطنه... وزمنه وعمله... وامله بطله.... ابو الشجعان

صور يا زمان يا زمان صور يا زمان

صورة صورة صورة كلنا كدا عايزين صورة

صورة صورة صورة تحت الراية المنصورة

صورة للشعب الفرحان تحت الراية المنصورة

يا زمان صورنا صورنا يا زمان

هنقرب من بعض كمان هنقرب من بعض كمان واللي هيبعد من الميدان

واللي هيبعد من الميدان

عمره ما هيبان فى الصورة