كلمات اغنية اي دمعة حزن لا - عبدالحليم حافظ

كلمات اغنية عبدالحليم حافظ - اي دمعة حزن لا

موقع عاجبنى بيقدم سلسلة كلمات اغانى العندليب الاسمر عبدالحليم حافظ وبنقدم فى 

 المقاله دى كلمات أغنية اى دمعة حزن لا كشف محمد حمزة لطارق حبيب، أنه انتهى من كتابة الغنوة، لكنه تأخر في كتابة الكوبليه الأخير شهر ونصر ، وكان الوقت المتبقى على حفلة العندليب قليل ويتناقص، وبدأ الأخير ينتابه القلق، على الرغم من محمد حمزة انتهى من كتابة الغنوة في ثلاثة أيام، مما جعل العندليب يبادر بطلب جواز سفره، ويرسله إلى شقته في لندن، ليقيم فيها أسبوعين، لينتهي من الغنوة ومعلومات عنها 

كلمات : محمد حمزه
الحان : بليغ حمدى

غناء : عبد الحليم حافظ

انتاج : عام 1974

كلمات اغنية اي دمعة حزن لا لعبدالحليم

أى دمعة حزن لا لا لا لا .. أى جرح فى قلب لا لا لا لا

أى لحظة حيرة لا لا لا لا .. حتى نار الغيرة لا لا لا لا

عايشين سنين أحلام .. دايبين فى أحلى كلام

لا عرفنا لحظة ندم .. و لا خوف من الايام

و قلبى دق دق دق .. قلت مين على البيبان دق

قاللى افتح ده الزمان .. قلت له يا قلبى لا

جى ليه يا زمان .. بعد ايه يا زمان

من كام سنة قلبى و أنا .. عايشين هنا من كام سنة

من كام سنة دنيا الهنا .. بتضمنا من كام سنة

و قال ايه جاى الزمان يداوينا .. من ايه جى يا زمان تداوينا

دا الأمل فى عينينا .. و الفرح حوالينا

سأل الزمان و قال .. ايه غير الأحوال

قلنا له حبينا حبينا .. و ارتحنا و نسينا الجرح بتاع زمان

احنا احنا احنا اللى امنا للزمان احنا

احنا احنا اللى وخد منا الامان و جرحنا

و احنا اللى طاوعنا احنا و عمره فى يوم ما ريحنا

ولا ملامة علينا لا ملامة دا احنا تعبنا و دوبنا ياما

و اما نادينا عليه يداوينا عمره ما فكر فى يوم يجينا

و أدينا عايشين و بقينا عاشقين .. لا جراح فى قلوب و لادمع حزين

و لما دق الحب بابنا .. الربيع نور شبابنا

وقال ايه جى الزمان الزمان يداوينا .. من ايه جى يا زمان تداوينا

دا الأمل فى عينينا و الفرح حوالينا

سأل الزمان و قال ايه غير الأحوال

قلنا له حبينا حبينا حبينا .. و ارتحنا و نسينا ارتحنا و نسينا

الجرح بتاع زمان

وفى ليلة مش ناسيها .. سهران الفرح فيها

جانى الزمان و معاه هدية .. فرحت بيها حبيبي الأولانى

سافرت كتير معاه .. بأحلامى فى هواه

سقيته من حنانى .. و بنيت معاه أمانى

و قلت يا ريت يا دنيا .. تدينى عمر تانى

و صحيت على العذاب .. لقيت الفرح غاب

و الحب يا عينى داب .. أتارى الزمان كداب

وقدرت يا زمان .. فى رحلة النسيان

أنسى اللى كان و أرتاح .. و أبعد عن الأحزان

شوف يا قلبى .. شوف يا قلبى .. شوف يا قلبى

شوف الدنيا يا قلبى حلوة ازاى بالحب بالحب يا قلبى

عمرك شفت قمر سهران .. غير للعشاق

و لا نجمة جايبة كلام .. غير للمشتاق

كل العاشقين زينا عايشين .. لا جراح فى قلوب و لادمع حزين

وقال ايه جى الزمان يداوينا .. من ايه جى يا زمان تداوينا

دا الأمل فى عينينا و الفرح حوالينا .. سأل الزمان و قال ايه غير الأحوال

قلنا له حبينا حبينا حبينا .. و ارتحنا و نسينا ارتحنا و نسينا

الجرح بتاع زمان

كورس : قال ايه جى الزمان يداوينا .. من ايه جى يا زمان تداوينا

دا احنا حبينا حبينا و ارتحنا و نسينا

و نسينا الجرح بتاع زمان