كلمات اغنية بستان الاشتراكية - عبدالحليم حافظ

كلمات اغنية عبدالحليم حافظ - بستان الأشتراكية
Bostan Elshtrakia - Abd El Halim Hafez

موقع عاجبنى بيقدم سلسلة كلمات اغانى العندليب الاسمر عبدالحليم حافظ وبنقدم فى 

 المقاله دى كلمات اغنية بستان الاشتراكيه ومعلومات عنها 

كلمات : صلاح جاهين
الحان : محمد الموجي

غناء : عبد الحليم حافظ

انتاج : عام 1964

كلمات اغنية بستان الاشتراكيه الغضب لعبدالحليم

افتــح . . افتــاح

اقفــل . . حــول

نقعــد نرتــاح ؟

لأ ، ح نكمــــل

ده السد العالى شهل

- على راس بستان الاشتـراكية

واقفين بنهندز ع الميه

أمـة أبطــال ، عُلمـــا ، وعمـــال

ومعانا جمال

بنغنى غنوة فـرايحيه

ننده كلنا ، ندهة فلاح لاخواته ، ساعة الرى

حاكم ارضنا ملكنا كلنا م السـد العالى وجى

ننده كلنا نـدهة قويه

افتح

- افتح، على حوض الورد، ابو تمانين مليون شجرايه

الورد العربـى ، ورد السهـل ، وورد الصحرايـه

أهو كده ، وافتح صفحة ما تشبـع فيها الدنيـا قرايـه

يا فاتح فى الصخر ده للجيل ، ويا النيـل ، مجرايـه

- اقفــــل …

- واقفل ع الحيـره السيـره وهـات شربـات للكل

اقفل عينـك ، وافتحهـا ، تـلاقـى الشـوك بقى فل

وزهور ليمـون ، صابحه ف يافا بتضحـك وتطـل

تقول : افتح صندوق العيد ، وادى الحلوة مرايه

موال

يا حلم ، يا حلم ، يابو الليــل ، يا متزوق

ليلـك سهـرنــاه ونـورناه بالمبـدأ

فيه ناس تقـول فى الصباح : حلمنا والله خيـر

واحنا ، الصباح ييجى يلقى الحلم متحقق

حول

- حـول ، وافرش منديلك لاخضــر ، عالرمله

حولها جــداول ، ومعامــل ، وحيــاه كامله

حولنا ، وطـولنـا أملنــا بإيـدنـا العاملــــه

حول علـى فوق ، زى السـد ما طالـع على فـوق

الخيـر بيجيب الخيــر ، والفرحـه دى كانت شوق

الشعـب العربى رمـى قيـوده ، وخـرج م الطـوق

طالع ، طالع للقمه ، وبيزرع فيها الرايه

قولوا ورايا

- افتح * افتاح

اقفل * حول

نقعد نرتاح ؟

لأ ، حنكمل !

حانكمل !